Тошкент туманида тунда уй ёниб кетди
Олов салкам 1,5 соатда ўчирилган.
Бугун, 4 июль Тошкент вилояти Тошкент туманидаги уйлардан бирида ёнғин юз берди. Бу ҳақида ФВВ матбуот хизмати хабар бермоқда.
Қайд этилишича, соат 02:42 да “Сағбон” МФЙ Фитрат кўчасида жойлашган уйларнинг бирида ёнғин рўй берганлиги тўғрисида ФВБга хабар келиб тушган.
Шунга кўра, 4 та ёнғин-қутқарув экипажлари соат 02:48 да воқеа жойига етиб бориб, ёнғин соат 03:10 да ўраб олинган ва соат 04:05 да ўчирилган.
Ёнғин натижасида уйнинг 140 квадрат метр майдонда шифти, томи, ички қисми ва жиҳозлари ёнган. Тан жароҳати олган фуқаролар тўғрисида маълумот келиб тушмади.
