Тошкентда кучли шамол ва чанг-тўзонлари бўлиши кутилмоқда
Мутасаддилар аҳолига эҳтиёт чораларини кўришни, зарурат бўлмаса кўчага чиқмасликни тавсия этмоқда.
Бугун Тошкент шаҳрида кучли шамол ва чанг-тўзонлар кузатилиши мумкин. Бу ҳақда “Ўзгидромет” директори ўзининг расмий Facebook саҳифасида барвақт огоҳлантириш хабарини эълон қилди.
Огоҳлантиришда айтилишича, об-ҳаво шароити кескин ўзгариши, хусусан, шамол тезлиги ортиши ва ҳавода чанг-тўзонлар шаклланиши эҳтимоли юқори. Бу эса фуқароларнинг соғлиғи ва ҳаракат хавфсизлиги учун муайян хавф туғдириши мумкин.
Эслатиб ўтамиз, “Ўзбекистон – 2030” стратегиясининг 70-мақсадига мувофиқ, мамлакатда барвақт огоҳлантириш тизимларининг самарадорлиги ва аҳолига етказилиш даражасини 100 фоизга етказиш белгиланган.
Мутасаддилар аҳолига эҳтиёт чораларини кўришни, зарурат бўлмаса кўчага чиқмасликни тавсия этмоқда.
