Ўзбекистон

Қўшни давлатларимизда куйдирги касаллиги кўпайди — Санэпидқўмита

Ўзбекистонда куйдирги касаллигини олдини олиш учун нима ишлар қилинмоқда?

Қўшни давлатларимизда куйдирги касаллиги кўпайди — Санэпидқўмита

Сўнгги кунларда Тожикистон ва Қозоғистон каби қўшни мамлакатларда ҳайвонлар орасида куйдирги билан касалланиш ҳолатлари кескин кўпайган. Қозоғистонда ҳолат эпизоотик даражага етиб боргани сабабли карантин эълон қилинган.

 

Мазкур вазият юзасидан Санитария-эпидемиологик осойишталик ва жамоат саломатлиги қўмитаси Эпидемиология ва ўта хавфли юқумли касалликлар бўлими бошлиғи Фарход Қурбонбеков аҳолини ҳушёрликка чақирди ва касаллик ҳақида муҳим маълумотлар билан бўлишди.

 

Куйдирги (сибир ёраси) — Bacillus anthracis бактерияси сабабли келиб чиқадиган ўта хавфли инфекцион касаллик бўлиб, одамларга асосан касалланган ҳайвонлар билан тўғридан-тўғри алоқа, гўшт маҳсулотларини нотўғри ишловдан ўтказиб истеъмол қилиш орқали юқади.

 

Касалликнинг 98–99 фоизи тери шаклида учрайди ва тўғри даволанса, асорат қолдирмайди. Бироқ ичак, ўпка ва сепсис шакллари оғир кечиб, кўпинча ўлим билан якунланади.

 

Касалликдан ҳимояланиш учун қуйидагиларга қатъий амал қилиш зарур:

– Чорва ҳайвонларини ҳар йили ветеринар назорати остида профилактик эмлаш;

– Чорва ҳайвонларини фақат рухсат этилган жойларда ва ветеринар назоратида сўйиш;

– Ҳайвон гўшти ва маҳсулотларини фақат текширувдан ўтган манбалардан харид қилиш;

– Касаллик аломатлари кузатилган ҳайвонлар ёки уларнинг маҳсулотларини истеъмол қилмаслик;

– Баданга яралар пайдо бўлса, айниқса чорва билан ишловдан кейин — дарҳол шифокорга мурожаат қилиш.

 

Куйдирги ҳолатларининг мамлакат ҳудудига кириб келмаслигини таъминлаш мақсадида:

– Ўзбекистоннинг 55 та чегара назорат пунктларида санитар-эпидемиологик назорат кучайтирилган;

– Гумонли ҳудудлардан ўтказилаётган инсонлар ва юклар чуқур дезинфекция ва тиббий кўрикдан ўтказилмоқда;

– Куйдирги бўйича доимий лаборатория кузатувлари ва тупроқдан намуна олиш ишлари йўлга қўйилган.

 

Санэпидқўмита фуқаролардан ҳушёрликни ошириш, санитария-гигиена қоидаларига қатъий риоя қилиш ва ҳайвонлар билан мулоқотда эҳтиёткорликни кучайтиришни сўрайди.

 

Куйдирги аломатлари мавжуд бўлган ҳайвонлар ёки одамлар аниқланса, дарҳол ҳудудий тиббиёт муассасаларига ёки ветеринария хизматларига мурожаат қилиш тавсия этилади.

Тошкент ҳавоси сифати: ноябрнинг сўнгги кунлари қандай ўтади?

Тошкент ҳавоси сифати: ноябрнинг сўнгги кунлари қандай ўтади?

Пойтахтда 27–30 ноябрь кунлари кучли ҳарорат инверсияси кузатилиши мумкин.

Президент Шавкат Мирзиёев давлат ташрифи билан Иорданияда бўлади

Президент Шавкат Мирзиёев давлат ташрифи билан Иорданияда бўлади

Ташриф дастурига кўра, Амман шаҳрида олий даражадаги музокаралар ва бошқа тадбирлар ўтказилади.

Янгиланган ўзбек алифбоси: паспорт ва ID-карталар алмаштириладими?

Янгиланган ўзбек алифбоси: паспорт ва ID-карталар алмаштириладими?

“Ўзбек алифбосига киритилган ўзгартиришларни жамият ҳаётининг барча соҳаларига жорий этиш чора-тадбирлари тўғрисида”ги қарор лойиҳаси жамоатчилик муҳокамасига қўйилди.

Давлат ташкилотининг собиқ ходими қидирувда эди: у Туркияда ушланди

Давлат ташкилотининг собиқ ходими қидирувда эди: у Туркияда ушланди

У Жиноят кодексининг 167 ва 228-моддалари билан қидирувга берилган бўлиб, Ўзбекистонга қайтарилган.

Қаршидаги хонадонда газ портлади: жароҳатланганлар бор

Қаршидаги хонадонда газ портлади: жароҳатланганлар бор

Ҳозирда ҳодисанинг келиб чиқиш сабаблари ва ҳолатларини аниқлаш юзасидан суриштирув ишлари олиб борилмоқда.

Ўзбекистонда 23,5 мингта хорижий корхона фаолият юритмоқда: энг кўпи савдо соҳасида

Ўзбекистонда 23,5 мингта хорижий корхона фаолият юритмоқда: энг кўпи савдо соҳасида

Саноат, ахборот ва алоқа ҳамда қурилиш йўналишлари ҳам хорижий корхоналар фаолиятида етакчи соҳалар қаторида.

Электр энергияси тўлови: газсиз ҳудудлар учун ойлик базавий меъёр оширилди

Электр энергияси тўлови: газсиз ҳудудлар учун ойлик базавий меъёр оширилди

Янги меъёрдан фойдаланиш учун фуқаролардан ариза ёки қўшимча ҳужжатлар талаб этилмайди.

ОТМлар миллий рейтинги: давлат олийгоҳларини рағбатлантириш тартиби белгиланди

ОТМлар миллий рейтинги: давлат олийгоҳларини рағбатлантириш тартиби белгиланди

Рейтинг натижалари эълон қилинганидан кейин 15 иш куни ичида рағбатлантириш маблағлари давлат олий таълим ташкилотига ўтказилади.