Учтепада ноқонуний қурилиш иши тўхтатилди
Қурилиш инспекцияси томонидан 13 марта ўтказилган текширувда лойиҳавий меъёрлар бузилгани аниқланди.
Тошкент шаҳар Учтепа туманида “Great Vertex” компанияси томонидан қурилаётган кўп қаватли турар жой мажмуаси белгиланган меъёрлар бузилгани сабабли тўхтатилди.
Расмий маълумотларга кўра, мазкур мажмуа аввалдан автотураргоҳ жойлашган ҳудудда қурилаётган бўлиб, 2025-йил 28-февралда қаватлар сонини ошириш бўйича берилган сўров рад этилганига қарамасдан, қурилиш ишлари давом эттирилган.
Қурилиш инспекцияси томонидан 13 марта ўтказилган текширув натижасида лойиҳада белгиланган меъёрдан ортиқ қаватлар қурилгани аниқланиб, масъул шахсга маъмурий баённома расмийлаштирилган.
Ҳозирда барча ишлар тўхтатилган бўлиб, қонунбузарликлар бартараф этилмагунча қурилишга рухсат берилмайди.
