Фарғонада 3 ёшли болани уриб, кетиб қолган ҳайдовчи ушланди
Бола оғир тан жароҳатлари билан шифохонага ётқизилган.
Фарғона вилоятининг Марғилон шаҳрида йўл-транспорт ҳодисаси содир бўлган. Ҳодиса акс этган видео ижтимоий тармоқларда тарқалди. Фарғона вилояти ИИБ матбуот хизматининг маълум қилишича, 10 май куни Зухро кўчасида 1970 йилда туғилган фуқаро D.A. Ласетти русумли автомобилини бошқариб кетаётганида, 2022 йилда туғилган A.A. исмли болани уриб юборган.
Натижада болакай тан жароҳати олиб, дарҳол шифохонага ётқизилган. Шифокорларнинг айтишича, ҳозирда унинг аҳволи қониқарли.
Фарғона вилояти ИИБ матбуот хизматининг маълумотига кўра, воқеа юзасидан Жиноят кодексининг 266-моддаси (йўл ҳаракати қоидаларини бузиб, тан жароҳати етказиш) ва 117-моддаси асосида жиноят иши қўзғатилган. Иш судга оширилиши белгиланган.
