Тошкентда ички ишлар ходими пора билан қўлга тушди
Ички ишлар бош бошқармаси ходими бўлган подполковникнинг 18 минг доллар олгани фош этилган.
Тошкент шаҳрида ички ишлар органлари тизимида коррупция ҳолати аниқланди. Бу ҳақда ДХХ ва Бош прокуратура томонидан олиб борилган тезкор тадбирлар натижасида маълум қилинди.
Миробод тумани ички ишлар органлари фаолиятини мувофиқлаштириш бошқармаси бўлинма бошлиғи, подполковник унвонидаги У.С айбланувчининг қариндошидан 18 минг АҚШ доллари олгани аниқланган. У.С Жакасорой тумани тергов бўлимида Жиноят кодексининг 273-моддаси билан қўзғатилган жиноят иши бўйича қўлланган қамоқ эҳтиёт чораси ўрнига гаровга чиқариб юборишни ваъда қилган.
Аммо ваъдасини бажара олмаган подполковник пулнинг бир қисмини қайтараётган вақтида ушланган. Ҳозирда унга нисбатан Жиноят кодексининг 168-моддаси (фирибгарлик) ва 211-моддаси (пора олиш) бўйича жиноят иши қўзғатилган ҳамда қамоқ эҳтиёт чораси қўлланган.
Тергов ҳаракатлари давом этмоқда.
