Сурия ва Исроил ўт очишни тўхтатишга рози бўлди
Келишувга Қўшма Штатларнинг кўмаги билан эришилди.
Исроил бош вазири Бенямин Нетаняҳу ва Сурия президенти Аҳмад аш-Шараа Қўшма Штатларнинг кўмагида Туркия, Иордания ва бошқа қўшни давлатлар томонидан қўллаб-қувватланган тарзда ўт очишни тўхтатиш бўйича келишувга эришди. Бу ҳақида америкалик дипломат Том Баррак маълум қилди.
Дипломат друзлар, бадавийлар ва суннийларни қуролларни ташлаб, бошқа озчилик гуруҳлар билан биргаликда қўшни давлатлар билан тинчлик ва фаровонликда яшайдиган ягона Сурияни барпо этишга чақирди.
Июль ойи бошида Суриянинг жануби-ғарбида жойлашган Ас-Сувайда шаҳрида друзлар ва бадавийлар ўртасида тўқнашувлар бошланган эди. Ушбу зиддият фонида Исроил “друзларни ҳимоя қилиш” баҳонаcида Дамашққа бир неча бор авиазарба берган.
