Uzbekistan Airways бортида чақалоқ дунёга келди
Шундан сўнг самолёт фавқулодда қўнган.
Бугун, 19 июль куни Uzbekistan Airways авиакомпаниясининг Истанбул — Тошкент йўналиши бўйича парвоз вақтида чақалоқ туғилди.
Парвоз давомида йўловчилардан бирида муддатидан олдинги туғруқ бошланган. Бортда бўлган икки нафар шифокор экипаж билан ҳамкорликда зарур тиббий ёрдамни тезкорлик билан кўрсатган.
Экипаж командири қарори билан самолёт Урганч аэропортига фавқулодда қўнган, у ерда она ва янги туғилган ўғил болани шифокорлар кутиб олишган.
“Uzbekistan Airways оилани юракдан табриклайди ва экипаж аъзоларига самимий миннатдорлик билдиради. Шунингдек, рейсда тасодифан бўлган ва ўз ёрдамини кўрсатган шифокорлар — Дилбар Шерипбаева ва Дилшод Нортожиевга алоҳида ташаккур билдирамиз”, дейилади хабарда.
