Японияда 39 йил ноҳақ қамалган эркак оқланди
Судья ундан бунинг учун узр сўраган.
Япониянинг Фукуи шаҳри суди мактаб ўқувчисини ўлдирганликда айбланиб, жазо муддатини ўтаётган 60 ёшли Шожи Маэкавани оқлади.
1986 йилда судланган Маэкаванинг айбсизлиги ва ниҳоят исботланди. Қайта тергов эркакни қотиллик кечаси қонли кийимда кўрган гувоҳларнинг кўрсатмаларида номувофиқлик борлигини аниқлади. Дастлабки тергов давомида ҳисобга олинмаган фактик хатолар ҳам юзага чиққан.
Судья бу одамдан 39 йил давомида бошдан кечирган изтироблари учун узр сўради. Маэкава журналистларга берган интервьюсида ниҳоят айбсизлигини исботлай олгани учун ўзини енгил ҳис қилганини айтган.
