Эронда сув ва энергия тежаш мақсадида қўшимча дам олиш куни эълон қилинди
Иссиқ иқлим шароити Эрoннинг энергетика захираларига жиддий таъсир кўрсатаётгани айтилмоқда.
Эроннинг Теҳрон шаҳрида 23 июль, чоршанба куни ҳукумат томонидан қўшимча дам олиш куни деб эълон қилинди. Бу қарор ҳаддан ташқари ҳавонинг иссиқлиги, сув ҳамда электр энергиясини тежаш зарурати сабаб қабул қилинган. Расмий маълумотларга кўра, бу дам олиш вақтида аҳоли хавфсизлик чораларига риоя этган ҳолда оила аъзолари билан вақт ўтказиши ёки қисқа саёҳат қилиши мумкин.
Ҳукумат расмийси Фотиме Моҳажеранинг таъкидлашича, бу қарор энергетика тизимига ортиқча босим тушмаслиги ва аҳоли саломатлигини ҳимоя қилиш учун қабул қилинган. Шу муносабат билан ҳукумат барча фуқаролардан электр энергиясини тежашни сўраган.
АссуВеатҳер маълумотларига кўра, Теҳрон шаҳрида душанба ва сешанба кунлари ҳаво ҳарорати 41 даражагача, чоршанба куни эса 39 даражагача исийди. Ҳафта охиригача Теҳронда ҳаво ҳарорати кундузи 40 даража атрофида бўлиши кутилмоқда.
Шунингдек, мамлакатнинг Машҳад шаҳрида ҳам ҳарорат 38 даражагача кўтарилиши прогноз қилинмоқда. Эронда бундай иқлим шароити сўнгги йилларда тез-тез кузатилмоқда ва бу энергетик захираларга жиддий таъсир кўрсатмоқда.
