Тошкент вилоятида ноқонуний диний сабоқ бериш ҳолатлари аниқланди
ДХХ Zamon.uz'га аниқланган икки ҳолат бўйича маълумот берди.
Тошкент вилоятида давлат органлари томонидан ўтказилган тезкор тадбирлар натижасида ноқонуний диний ўқув машғулотлари ташкил этган фуқаролар фаолиятига чек қўйилди.
Маълумотларга кўра, 21 ёшли шахс Зангиота туманидаги ўз хонадонларидан бирида 31 нафар болага, 43 ёшли шахс эса Тошкент туманидаги уйида 12 нафар вояга етмаган болаларга диний сабоқ берган. Бу ҳақда Zamon.uz'ga ДХХ хабар берди.
Тергов жараёнида маълум бўлишича, уларнинг фаолияти қонун талабларига зид бўлган. Шу боис, мазкур шахсларга нисбатан тегишли ҳуқуқий чоралар кўрилди. Шунингдек, болаларни тарбиялаш мажбуриятларини бажармаган ота-оналарга нисбатан қонунларда белгиланган тартибда жазо тайинланди.
