Россияда икки нафар ўзбекистонлик қурилишда вафот этди
Қурилиш вақтида иккинчи қаватнинг бетон плитаси қулаб тушган.
Россияда икки нафар ўзбекистонлик қурилиш объектидаги деворлардан бирининг қулаши оқибатида ҳалок бўлди. Бу ҳақида Ленинград вилояти Тергов қўмитасига хабар берди.
Маълумотларга кўра, ҳодиса Ленинград вилояти Всеволожск туманидаги уй қурилиши вақтида содир бўлган. Ҳуқуқ-тартибот идоралари ходимлари ҳудуддан 43 ва 61 ёшли икки эркакнинг жасадини топган.
Дастлабки маълумотларга кўра, ҳар икки муҳожир Россияга хориждан келиб, тегишли шартнома тузмасдан, норасмий равишда мазкур обектда ишлаган. Ҳалок бўлганлар Ўзбекистон фуқаролари, аммо улар миграция органларида рўйхатга олинмаган.
Яна бир 37 ёшли эркак оғир тан жароҳатлари билан шифохонага етказилган. Воқеа жойида бўлган ишчи ҳуқуқ-тартибот идораларига иш ер эгаси билан оғзаки келишув асосида олиб борилаётганини айтган.
Ҳозирда ҳолат юзасидан экспертиза тайинланган, тергов ҳаракатлари олиб борилмоқда.
