Бўстонлиқда ҳам ўрмон ёнғини юзага келди
Уни ўчиришга вертолёт жалб қилинган.
Бугун, 24 июль куни Тошкент вилоятининг Бўстонлик туманидаги тоғли ҳудудда ёнғин юз берди. Бу ҳақида вилоят Фавқулодда вазиятлар бошқармаси хабар қилди.
Қайд этилишича, соат 11:16 да Тошкент вилояти ФВБга Бўстонлиқ тумани “Хўжакент” МФЙ тоғли ҳудудида тахминан 2 гектар майдонда қуруқ ўт ва шох-шаббалар ёнаётганлиги тўғрисида хабар келиб тушган.
Хабарга асосан, ФВВнинг ёнғин-қутқарув экипажлари қутқарувчилари ҳамда тегишли ташкилотлар ходимлари воқеа жойига 11:30 да етиб борган ва олов соат 12:30 да қуршаб олинган.
Айни вақтда ёнғин бартараф қилинмоқда. Ушбу ёнғинни бартараф қилиш учун етарли куч ва воситалар, хусусан, вертолёт ҳам жалб қилинган.
