Хоразмлик эркак бирданига 130 млн сўм алимент тўлади
Ота фарзандлари вояга етгунига қадар бўлган алимент пулларини олдиндан тўлаб бериш истагини билдирган.
Фуқаролик ишлари бўйича Урганч туманлараро судининг суд буйруғига асосан қарздор М.Ў.дан Р.С. фойдасига уч нафар вояга етмаган фарзандларининг моддий таъминоти учун алимент ундириш белгиланган.
Ота алимент пулларини ўз вақтида тўлаб келган. Олиб борилган ижро ҳаракатлари давомида алимент тўловларини ўз вақтида тўлаб келган ота уч нафар фарзандларининг моддий таъминоти учун улар вояга етгунига қадар бўлган алимент пулларини олдиндан тўлаб бериш истагини билдирган.
Шунга кўра, қарздор ва ундирувчининг ўзаро келишувига асосан, вояга етмаган уч нафар фарзандлар то улар вояга етгунига қадар бўлган давр учун 130,0 млн. сўм миқдорида алимент пуллари ундирилиб берилиши таъминланди.
