Президент фармони билан Пўлат Бобожонов янги лавозимга тайинланди

Ўзбекистон Республикаси Президенти Фармонига мувофиқ давлат бошқаруви тизимида қатор кадрлар ўзгариши рўй берди. Қуйидаги шахслар янги лавозимларга тайинланди:

 

Пўлат Бобожонов – Президентнинг кадрлар бўйича маслаҳатчиси ўринбосари этиб тайинланди. Шу муносабат билан у илгари эгаллаб турган Президентнинг кадрлар сиёсати масалалари бўйича маслаҳатчиси биринчи ўринбосари лавозимидан озод этилди.

 

Галина Саидова – Президентнинг иқтисодий сиёсат бўйича маслаҳатчиси ўринбосари лавозимини эгаллади. Шу асосда у иқтисодиёт, инвестициялар ва ташқи савдо масалалари бўйича маслаҳатчи ўринбосари лавозимидан озод этилди.

 

Обид Ҳакимов – Президентнинг иқтисодий сиёсат бўйича маслаҳатчиси ўринбосари ҳамда Иқтисодий тадқиқотлар ва ислоҳотлар маркази директори лавозимларига тайинланди. У илгари эгаллаб турган иккала лавозимдан ҳам озод этилди.

 

Абдусалом Азизов – Президентнинг вакиллик органлари, ННТлар, дин ва ёшлар масалалари бўйича маслаҳатчиси ўринбосари лавозимига тайинланди. У илгари ижтимоий-сиёсий, диний-маърифий ва ёшлар масалалари бўйича маслаҳатчи ўринбосари лавозимидан озод қилинди.

 

Музаффар Камилов – Президентнинг вакиллик органлари, ННТлар, дин ва ёшлар масалалари бўйича маслаҳатчиси ўринбосари лавозимини эгаллади.

 

Рустам Камилов – шу йўналишдаги маслаҳатчи ўринбосари лавозимига тайинланди. Шу муносабат билан у Президент Администрациясининг АКТ ва жамоатчилик лойиҳалари бўйича шўъба мудири лавозимидан озод қилинди.

 

Жавлон Ваҳабов – Президентнинг ташқи сиёсат бўйича маслаҳатчиси ўринбосари, шунингдек, Марказий Осиё халқаро институти директори лавозимига тайинланди.

 

Баҳодир Тошматов – Президент ҳузуридаги Хавфсизлик кенгаши котиби ўринбосари лавозимига тайинланди. Шу муносабат билан у Қуролли Кучларни ривожлантириш масалалари бўйича котиб ўринбосари лавозимидан озод қилинди.

 

Камолиддин Мардонов – Президент Администрациясининг Ҳуқуқий экспертиза ва комплекс таҳлил қилиш департаменти бошлиғининг биринчи ўринбосари этиб тайинланди. Шу муносабат билан у илгари эгаллаб турган агросаноат ва сувдан фойдаланиш соҳаларига доир ташаббусларни ишлаб чиқиш шўъбаси мудири лавозимидан озод қилинди.

 

Улуғбек Ханаев – Ҳуқуқий экспертиза ва комплекс таҳлил қилиш департаменти бошлиғи ўринбосари – Бош юрисконсульт лавозимига тайинланди. Шу муносабат билан у Президентнинг ҳуқуқий масалалар бўйича маслаҳатчиси биринчи ўринбосари лавозимидан озод қилинди.

 

Элдор Ҳамроев – Ҳуқуқий экспертиза ва комплекс таҳлил қилиш департаменти бошлиғи ўринбосари этиб тайинланди. Шу билан бирга, у ер муносабатлари ва хусусий мулкни ҳимоя қилиш соҳасидаги ташаббуслар шўъбаси мудири лавозимидан озод этилди.

 

Азиз Азимов – Жамоат хавфсизлиги ва қонун устуворлиги бўйича департамент бошлиғининг биринчи ўринбосари этиб тайинланди. У илгари АКТ ва жамоатчилик лойиҳалари шўъбасининг бош консультанти бўлиб ишлаган.

 

Сергей Гордеев – Жамоат хавфсизлиги ва қонун устуворлиги департаменти бошлиғи ўринбосари этиб тайинланди. Шу муносабат билан у Ички ишлар ва божхона органлари фаолиятини мувофиқлаштириш шўъбаси мудири лавозимидан озод қилинди.

 

Гулрухсор Хатамова – Коммуникациялар департаменти бошлиғининг биринчи ўринбосари лавозимини эгаллади. Шу билан бирга, у Жамоат фикрини ўрганиш ва таҳлил қилиш шўъбаси мудири лавозимидан озод этилди.

 

Фаррух Омонов – Коммуникациялар департаменти бошлиғи ўринбосари этиб тайинланди. У илгари Ахборот таъминоти ва ОАВ билан алоқалар шўъбасига раҳбарлик қилган.

 

Рустам Мирзаев – Коммуникациялар департаменти бошлиғи ўринбосари этиб тайинланди. Шу муносабат билан у Президент ҳузуридаги Хавфсизлик кенгаши аппаратининг ахборот-тарғибот ва мафкуравий тадбирлар шўъбаси мудири лавозимидан озод қилинди.

 

Мазкур тайинловлар кадрлар салоҳиятини ошириш, давлат бошқаруви тизимида мутахассислик ёндашувини кучайтириш мақсадида амалга оширилди.