Парламентдаги мухолифат ваколатлари кенгайтирилди
Эндиликда мухолифат партияси фракцияси Қонунчилик палатасидаги 1 нафар қўмита раиси ва 2 нафар раис ўринбосари лавозимларини эгаллайди.
2025 йил 30 июлда қабул қилинган Ўзбекистон Республикасининг “Айрим қонун ҳужжатларига ўзгартиш ва қўшимчалар киритиш тўғрисида”ги Қонуни билан парламентдаги мухолифат мақомига эга сиёсий партия фракцияларининг кафолатланган ҳуқуқлари янада кенгайтирилди.
Қонун билан бир қатор қонун ҳужжатларига киритилган ўзгартиришларга кўра, ўзини парламентдаги мухолифат деб эълон қилган сиёсий партия фракцияси қуйидаги ҳуқуқларга эга бўлади:
Ўз вакилларининг:
Қонунчилик палатасидаги 1 нафар қўмита раиси;
2 нафар қўмита раиси ўринбосари лавозимларини кафолатли эгаллаши;
Ҳар қандай масала бўйича қонун лойиҳаси иккинчи ўқишдан аввал унинг муқобил таҳририни таклиф қилиш;
Ҳар чоракда “Ҳукумат соати” ва парламент сўрови доирасида масала киритиш ташаббусини илгари суриш.
Ушбу қонун расмий эълон қилинган кундан бошлаб кучга киради.
