Янгийўлда эркак хотинини уриб, уни пичоқ билан қўрқитгани айтилди
Ҳолат юзасидан ИИББ расмий муносабат билдирди.
Ижтимоий тармоқда Тошкент вилояти Янгийўл шаҳрида эркак кўчада қизни шафқатсизларча уриб, пичоқ билан қўрқитгани акс этган видеолар тарқалганди. Ҳолат юзасидан Тошкент вилояти ИИББ расмий муносабат билдирди.
Олиб борилган дастлабки суриштирувга кўра, воқеа бугун, 31 июль куни тонгги соат 05:00 лар атрофида содир бўлган.
Янгийўл туманида яшовчи 27 ва 20 ёшли эр-хотин уйда ўзаро жанжаллашиб қолган ва натижада аёл турмуш ўртоғи бошқарувидаги автомашина шинасини уйдан олган ошхона пичоғи билан тешиб қўйган.
Шундан сўнг эр пичоқни аёлидан олиб қўйишга уринганида, аёл пичоқни бермаганлиги ва ўтган вақт давомида улар мазкур ҳолат бўйича ички ишлар органларига мурожаат қилмагани аниқланган.
“Айни вақтда ҳолат юзасидан терговга қадар текширув ишлари олиб борилмоқда. Қонун доирасида тегишли чоралар кўрилиши таъминланади”, - дейилади хабарда.
