Ўзбекистон 8 та давлатдаги депортация марказида сақланаётганларни  ватанга қайтаради

30 июль Бутунжаҳон одам савдосига қарши курашиш куни муносабати билан Миграция агентлиги, Ташқи ишлар вазирлиги, Бандлик вазирлиги, Оила ва хотин-қизлар қўмитаси ҳамда ҳуқуқ-тартибот идоралари билан ҳамкорликда жорий йил 30 июлдан 30 августгача “Ватанга қайтариш” номли хайрия акцияси ўтказилади.

 

Акция доирасида хориж давлатларида оғир шароитда қолган Ўзбекистон фуқароларини ватанга қайтариш ва уларни самарали реинтеграция қилиш мақсад қилинган.

 

Биринчи навбатда Туркия, Россия, Қозоғистон, БАА, Саудия Арабистони, Ҳиндистон, АҚШ ва Жанубий Кореяда депортация марказларида сақланаётган аёллар ва болалар қайтарилади.

 

30 дан ортиқ элчихона ва консулликлар 7 августга қадар хорижий давлатларнинг Депортация марказларидаги ўзбекистонлик фуқароларни аниқлайди ва рўйхатни Миграция агентлигига тақдим этади.

 

15 августгача шахсий маълумотлари етарли бўлмаганлар учун зарур ҳужжатларни тайёрлаб, иккинчи рўйхатни агентликка юборади. Миграция агентлиги тақдим этилган рўйхат асосида 1−3 иш куни ичида авиа чипталарни харид қилади.

 

Фуқаро миграция агентлигига тўғридан -тўғри мурожаат қилса, агентлик ходимлари 1−2 соат ичида боғланади ва ҳужжатларни масофавий қабул қилади. Аризани 1 кун ичида кўриб чиқиб, 2 кун муддатда йўл чипта билан таъминлайди.