Эндиликда давлат идоралари ёнида савдо ва овқатланиш шохобчалари фаолият юритади

Ўзбекистон Вазирлар Маҳкамаси қарори билан давлат идораларига туташ ҳудудлардан савдо, умумий овқатланиш ва хизмат кўрсатиш фаолияти учун фойдаланиш тартиби жорий этилди. Мазкур тартиб 2025 йил 1 октябрдан кучга киради.

 

Эндиликда давлат ташкилотлари бинолари ёнида тадбиркорлик фаолияти фақат тасдиқланган схема ва меъморий лойиҳавий код асосида амалга оширилади. Таълим ва тиббиёт муассасалари яқинида бундай фаолиятга истисно қўлланилади.

 

Ижарага олиш шартлари:

 

ер участкаси тадбиркор мулкига туташ бўлса — тўғридан-тўғри, аукционсиз;

 

муддат — бир календарь йил, кейинчалик узайтириш имконияти билан;

 

ижара ҳақи — ер солиғи ставкаcининг 3 баробаригача;

 

шартномалар — электрон рўйхатга олиш тизими орқали расмийлаштирилади, солиқ органлари назоратида.

 

 

Янги тартиб асосида:

 

капитал қурилиш ва ташқи кўринишни ўзгартириш қатъиян тақиқланади;

 

рухсатсиз объектлар бузилади, шартномалар бекор қилинади;

 

ижара ерга эгалик ҳуқуқини бермайди ва мулк ҳуқуқи расмийлаштирилмайди.

 

Шунингдек, 1 октябргача ноқонуний жойлаштирилган объектлар инвентаризациядан ўтказилади, қонунийлаштириш ёки олиб ташлаш чоралари кўрилади. Маҳаллий ҳокимликлар тасдиқланган схемаларни расмий сайтларида эълон қилади.