Тошкент аэропортида ички кийимига заргарлик буюмлари яширган йўловчи қўлга тушди
Уларнинг қиймати 550 млн сўм этиб белгиланган.
Божхона қўмитаси матбуот хизматининг маълум қилишича, кеча, 7 август куни Бишкекдан Тошкентга учиб келган Ўзбекистон фуқароси қонуний тартибда тўхтатилиб, божхона назорати ходимлари томонидан шахсий кўрикдан ўтказилган.
Кўрик давомида ушбу фуқаронинг ички кийимлари ичига яширилган, божхона ходимларининг оғзаки сўров жараёнларида маълум қилинмаган оғирлиги 412 граммни ташкил қилувчи сариқ ва оқ рангли металлдан ясалган, олмос тошлари билан безатилган заргарлик буюмлари борлиги аниқланган.
Сўнгги ҳисоб-китобларга кўра, мазкур заргарлик буюмларининг қиймати 550 млн сўм этиб белгиланган.
Ҳозирда аниқланган заргарлик буюмлари ашёвий далил сифатида сақловга олиниб, ҳолат юзасидан суриштирув ишлари олиб борилмоқда.
