Шавкат Мирзиёев Покистон раҳбарига таъзия йўллади
Покистонда кучли ёмғир ва ер кўчкилари оқибатида 300 дан ортиқ киши ҳалок бўлди.
Ўзбекистон Президенти Шавкат Мирзиёев Покистонда юз берган кучли ёмғирлар ва ер кўчкилари оқибатида ҳалок бўлганлар ҳамда жабрланганлар учун чуқур таъзия изҳор қилди. Президент Покистон Президенти Асиф Али Зардорий ва Бош вазир Шаҳбоз Шарифга марҳумларнинг яқинларига ҳамдардлик билдирган, жабрланганлар тезда соғайишини тилади.
Офат натижасида энг катта талафотлар Хайбер Паҳтунхва ҳудудида қайд этилди: 74 та уй вайрон бўлди, қутқарув ишлари давом этмоқда. Шу жумладан, қутқарув чоғида ҳарбий вертолёт ҳалокатга учраб, бортдаги 5 нафар экипаж аъзоси ҳаётдан кўз юмди. Покистон метеорология хизмати ҳудудда ёмғирлар 21 августгача давом этишини маълум қилган.
