Шавкат Мирзиёев рафиқаси билан Хитойга расмий ташриф билан борди
“Бинхай” халқаро аэропортида давлатимиз раҳбарини ХХР транспорт вазири Лю Вей ва бошқа расмий шахслар кутиб олди.
Шавкат Мирзиёев Хитой Халқ Республикаси Раиси Си Сзинпиннинг таклифига биноан рафиқаси билан бирга расман ташриф билан Тяньцзинь шаҳрига келди.
“Бинхай” халқаро аэропортида давлатимиз раҳбарини ХХР транспорт вазири Лю Вей ва бошқа расмий шахслар кутиб олди. Олий мартабали меҳмонлар шарафи учун икки давлат байроқлари ҳилпиратилди, фахрий қоровул саф тортди.
Ташриф дастурига мувофиқ, Президентимиз 31 август – 1 сентябр кунлари Шанхай ҳамкорлик ташкилоти Давлат раҳбарлари кенгашининг навбатдаги мажлиси ҳамда “ШҲТ+” форматидаги саммит тадбирларида иштирок этади.
Саммит давомида Шавкат Мирзиёев кўп томонлама ҳамкорликни мустаҳкамлаш ва ташкилот фаолиятини янада самарали қилишга қаратилган муҳим ташаббусларни илгари суриши кутилмоқда.
