Кенжи Хирата Япониянинг Ўзбекистондаги элчиси этиб тайинланди
28 октябр куни Бахтиёр Саидов ишонч ёрлиқлари нусхаларини қабул қилди.
Япония томонидан Ўзбекистондаги элчилик лавозимига янги тайинлов амалга оширилди. Кенжи Хирата Ўзбекистон Республикасидаги Япония элчиси этиб тайинланди.
28 октябр куни Ўзбекистон Ташқи ишлар вазири Бахтиёр Саидов элчининг ишонч ёрлиқлари нусхаларини қабул қилди. Вазир ўз баёнотида Ўзбекистон ва Япония ўртасидаги икки ва кўп томонлама ҳамкорлик муносабатлари мунтазам равишда ривожланиб бораётганини таъкидлади ҳамда элчи жанобларига дипломатик фаолиятда муваффақиятлар тилди.
Шуни ҳам таъкидлаш керакки, Кенжи Хирата лавозимга тайинланишидан олдин 2022 йил декабридан буён Япониянинг Ўзбекистондаги элчиси сифатида Такаши Хатори фаолият юритган. Бахтиёр Саидов 8 октябр куни Хатори билан учрашган ва унга келгусидаги иш фаолиятида муваффақиятлар тилганди.
