Ўзбекистонда олтин қуймалари нархи кескин пасайди
5 граммли қуйма 9 867 000 сўмга тушди, 1 грамм олтин эса 1,97 млн сўмни ташкил этади.
Ўзбекистонда олтин қуймалари нархи кескин пасайди. 2 февраль ҳолатига кўра, 5 граммли олтин қуйма нархи 9 867 000 сўмни ташкил этди. Марказий банк маълумотларига кўра, бир грамм олтин нархи 1 973 400 сўмга баҳоланган.
Олтин қуймаларининг нархи қуйидагича шаклланган:
- 5 грамм — 9 867 000 сўм
- 10 грамм — 19 735 000 сўм
- 20 грамм — 39 469 000 сўм
- 50 грамм — 98 674 000 сўм
- 100 грамм — 197 347 000 сўм
Сўнгги пасайиш дам олиш кунларида юз берган ва 5 граммли қуйманинг нархи 900 минг сўмдан ортиқ арзонлашди. Ҳозирда 1 грамм олтин 1,97 млн сўмга баҳоланмоқда, бу эса ўтган жумага нисбатан 8,5 фоиз пасайишни англатади.
Глобал бозордаги омиллар ҳам пасайишга таъсир қилган. Жаҳон бозорида олтин нархи 15 фоиздан ортиқ қадрсизланди. Бунинг сабаби Доналд Трампнинг АҚШ Федерал захира тизими раҳбари Жером Пауэлл ўрнига инфляцияга қарши кескин чоралари билан танилган Кевин Уоршни тайинлаш режаси бўлиб, бу глобал молия бозорларида доллар қийматининг ошиши сифатида қабул қилинмоқда.
