Бир дақиқага сизнинг ўрнингизда бўлиб турсам майлими — ҳокимга ноодатий таклиф
Олмалиқда “Ёшлар куни” муносабати билан ўтказилган учрашувда мактаб ўқувчиси бир дақиқага ҳокимлик лавозимини бажариб кўриш истагини билдирди.
Тошкент вилоятининг Олмалиқ шаҳрида “Ёшлар куни” муносабати билан ташкил этилган учрашув давомида ёшлар ва шаҳар ҳокими ўртасида очиқ мулоқот бўлиб ўтди. Тадбирда ёшлар ўз таклиф ва муаммолари юзасидан фикр-мулоҳазаларини билдирди.
Учрашув жараёнида мактаб ўқувчиларидан бири — ўзини Олмалиқ шаҳрининг иқтидорли ёшларидан бири сифатида таништирган ўқувчи — бир дақиқага ҳокимлик лавозимини бажариб кўриш истагини билдирган. У ўз мурожаатида: “Бугун 300 та орзу ва мақсад ҳақида гап кетди. Ана шу 300 та орзудан биттасини амалга оширсак бўладими? Бир дақиқага сизнинг ўрнингизда бўлиб турсам майлими?” — дея шаҳар ҳокимидан сўраган.
Олмалиқ шаҳар ҳокими Қобил Ҳамдамов мазкур таклифни ижобий қабул қилиб, ўқувчига қисқа муддатга раҳбарлик қилиш учун имконият яратиб берди.
