Хоразмда пайвандлаш ускунасига яширилган гиёҳванд моддалар топилди
Фуқаро гиёҳванд моддаларни сотмоқчи бўлган.
Хоразм вилоятида гиёҳванд моддани пайвандлаш ускунасига яширган фуқаро қўлга олинди. Бу ҳақда ДХХ маълум қилди.
Маълум қилинишича, Қўшкўпир туманида ўтказилган тадбир давомида автотураргоҳда турган шахс текширилганда унинг юк сумкасидаги пайвандлаш ускунаси ичига яширин тарзда 1 кг 460 грамм героин ва 27 грамм опий жойлаштирилгани аниқланган.
Дастлабки маълумотларга кўра, ушбу гиёҳвандлик моддаси хориждан олиб келинган бўлиб, уни вилоят ҳудудида сотиш орқали даромад олиш режалаштирилган.
Мазкур ҳолат юзасидан жиноят иши қўзғатилган. Ҳозирда ушбу жиноятга алоқадор бошқа шахсларни аниқлаш бўйича тезкор-тергов ҳаракатлари олиб борилмоқда.
