Тошкентда вояга етмаган қиз ўгай онаси томонидан қийноққа солинди
Ҳолат юзасидан расмий маълумот берилди.
Ижтимоий тармоқларда вояга етмаган қиз ўгай онаси томонидан қийноққа солинганлиги ҳақида видеомурожаати тарқалди. Мазкур ҳолат юзасидан Тошкент шаҳар ИИББ расмий маълумот берди.
Маълум қилинишича, 1985 йилда туғилган Н.Ш. Юнусобод туманида жойлашган яшаш хонадонида ўгай фарзанди 2013 йилда туғилган Н.Г. ни бир неча маротаба уриб, жисмоний тазйиқ ўтказган. Мазкур ҳолат юзасидан жабрланувчи дастлаб ИИОга мурожаат қилмаган.
Ҳозирда вояга етмаган жабрланувчи Тошкент шаҳар ИИББ Вояга етмаганларга ижтимоий-ҳуқуқий ёрдам кўрсатиш марказига жойлаштирилиб, давлат органлари томонидан ҳимояга олинган.
Мазкур ҳолат юзасидан Юнусобод тумани ИИО ФМБ ҳузуридаги Тергов бўлими томонидан гумонланувчи Н.Ш. га нисбатан Ўзбекистон Республикаси Жиноят кодексининг 110-моддаси («Қийнаш») билан жиноят иши қўзғатилган.
