Навоийда 8 ёшли ўқувчи инглиз тилидан B2 сертификатини қўлга киритди
2-синф ўқувчиси қарийб уч йилдан буён инглиз тилини ўрганиб келган.
Навоий шаҳрида 8 ёшли ўқувчи Муҳаммадали Юсупов инглиз тилидан B2 даражадаги миллий сертификатни қўлга киритди. Бу ҳақда Навоий вилояти Мактабгача ва мактаб таълими бошқармаси маълум қилди.
Муҳаммадали Юсупов Навоий шаҳридаги 4-сон умумтаълим мактабининг 2-синф ўқувчиси ҳисобланади. Унинг ушбу натижаси ёш жиҳатдан миллий сертификатни қўлга киритган энг яхши кўрсаткичлардан бири сифатида эътироф этилмоқда.
Маълум қилинишича, Муҳаммадали қарийб уч йилдан буён инглиз тилини қўшимча машғулотлар орқали ўрганиб келган. Сўнгги олти ой давомида унга ўқув маркази ўқитувчиси Шаҳзод Бобоназаров сабоқ берган.
Устозининг таъкидлашича, Муҳаммадали сертификатни илк уринишдаёқ қўлга киритган.
