Президент Шавкат Мирзиёевнинг Қозоғистонга амалий ташрифи якунланди
Давлат раҳбари ташриф доирасида минтақавий экологик саммит, ОҚХЖ йиғилиши ва бир қатор учрашувларда иштирок этди.
Бугун куннинг биринчи ярмида давлат раҳбари Минтақавий экологик саммитнинг очилиш маросимида иштирок этди, “EXPO” халқаро кўргазмалар марказига ташриф буюриб, Ўзбекистон ва бошқа мамлакатларнинг миллий павильонлари билан танишди ҳамда БМТнинг Атроф-муҳит дастури ижро этувчи директори Ингер Андерсен билан учрашди.
Шу куннинг ўзида Ўзбекистон етакчиси Оролни қутқариш халқаро жамғармаси таъсисчи давлатлари раҳбарлари кенгашининг йиғилишида нутқ сўзлади.
Тадбирлар якунлангач, Президент Тошкентга жўнаб кетди. Остона халқаро аэропортида Ўзбекистон раҳбарини Қозоғистон Республикаси Бош вазирининг ўринбосари – миллий иқтисодиёт вазири Серик Жумангарин ва бошқа расмий шахслар кузатиб қўйди.
