Жаҳон

Пентагон Трампга Эрон билан уруш ҳақида ёлғон маълумот бермоқда — The Atlantic

АҚШ вице-президенти Пентагон маълумотларига шубҳа билдириб, мамлакатда қурол-яроғ захираси камайиб бораётганидан хавотирда.

Пентагон Трампга Эрон билан уруш ҳақида ёлғон маълумот бермоқда — The Atlantic

The Atlantic нашрининг ёзишича, Пентагон Эрон билан уруш ҳақида ёлғон маълумот бериб, Трампни алдамоқда.

 

Маълумотларга кўра, АҚШ вице-президенти Венс ёпиқ учрашувларда Мудофаа вазирлигининг уруш ҳақидаги маълумотларига шубҳа билдириб, айниқса АҚШ ракета захираларининг кескин камайиши билан боғлиқ саволларни ўртага ташлаган. 

 

У мазкур хавотирларини президент Доналд Трамп билан муҳокама қилган.

 

Манбалар ўқ-дори захираларининг камайиши АҚШнинг бошқа эҳтимолий можаролардаги қобилиятига таъсир қилиши мумкинлигини айтмоқда. Хусусан, бу захиралар Тайванни Хитойдан, Жанубий Кореяни Шимолий Кореядан ва Европани Россиядан ҳимоя қилишда ҳам муҳим аҳамиятга эга.

 

Шу билан бирга, АҚШ мудофаа вазири Пет Ҳегсет ҳамда Қўшма штаб бошлиқлари қўмитаси раиси генерал Дан Кейн оммавий чиқишларида қурол захиралари етарли эканини таъкидлаб, Эронга қарши амалиётлар самарали кечаётганини билдирмоқда.

 

Бироқ разведка маълумотларидан хабардор манбаларга кўра, бу баёнотлар асл ҳолатни тўлиқ очиб бермайди.  Эрон ҳарбий салоҳиятининг катта қисмини сақлаб қолган, жумладан ҳаво кучларининг учдан икки қисми ва ракета имкониятларининг асосий қисми ҳали ҳам фаол.

 

Шунингдек, АҚШ томонидан қўлланилган айрим асосий қурол турлари — интерсепторлар ва Тоmahawk каби ракета тизимлари — захираларининг камайиши қайд этилмоқда. Center for Strategic and International Studies маълумотига кўра, АҚШ айрим муҳим ўқ-дорилар захирасининг ярмидан кўпроғини сарфлаб бўлган бўлиши мумкин.

 

Пентагон эса бу иддаоларни рад этмоқда. Расмий баёнотда вазирлик раҳбарияти президентга “тўлиқ ва холис маълумот” тақдим этаётгани таъкидланган.

 

Аввалроқ Доналд Трамп Эронга қарши амалиётларда эришилган натижаларни “ғалаба” деб баҳолаб, АҚШ қурол захираларининг “деярли охири йўқ” эканини айтган эди.

 

Айни пайтда, таҳлилчиларга кўра, уруш тез якунланиши ҳақидаги кутилмалар ўзини оқламаяпти ва можаро чўзилиб, ноаниқ ҳолатга юзага келмоқда. Сўнгги воқеалар эса, жумладан Ҳормуз бўғозидаги кескинликнинг ошиши, Эрон ҳарбий имкониятлари сақланиб қолаётганини кўрсатмоқда.

 

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Босиб олинган Ғарбий Соҳилдаги бир нечта Фаластин қишлоғида содир бўлган ҳужумлар Исроилда ҳам сиёсий баҳсларга сабаб бўлди.

Мексикада наркокартел раҳбарини қўлга олиш операцияси: 11 киши ҳалок бўлди

Мексикада наркокартел раҳбарини қўлга олиш операцияси: 11 киши ҳалок бўлди

АҚШ Меса Флоресни қўлга олишга ёрдам берадиган маълумот учун 5 миллион доллар мукофот ваъда қилган эди.

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Автомобиль болаларга озиқ-овқат ва ичимлик тарқатиш учун тўхташга тайёрланаётган пайтда ракета билан урилгани айтилди.

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ракета қурилмаси намойиши АҚШнинг Эрон ракета дастурини йўқ қилгани ҳақидаги баёнотлари фонида амалга оширилди.

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Бу кўрсаткич 2013 йилда чиқарилган GTA V’нинг дастлабки уч кунлик 1 миллиард долларлик натижасидан қарийб тўрт баравар юқори.

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Klebsiella pneumoniae сабабли юзага келган қон инфекциялари 2019–2025 йилларда 72 фоизга ошди.

Трамп йил охиригача Украина бўйича тинчлик келишувига эришмоқчи — FT

Трамп йил охиригача Украина бўйича тинчлик келишувига эришмоқчи — FT

АҚШ демократлар Конгресс устидан назоратни қўлга киритишидан аввал Россия ва Украина ўртасида келишувга эришишга шошилмоқда.

Бир кечада 275 та Украина дрони йўқ қилинди — Россия Мудофаа вазирлиги

Бир кечада 275 та Украина дрони йўқ қилинди — Россия Мудофаа вазирлиги

Бир ҳафта давомида 6 808 та Украина дронини йўқ қилинган.