Жаҳон

АҚШнинг Эрон урушидаги харажатлари 25 млрд доллардан юқори бўлиши мумкин

Пентагон тақдим қилган бу рақамлар “ҳақиқатдан йироқ” экани айтилмоқда.

АҚШнинг Эрон урушидаги харажатлари 25 млрд доллардан юқори бўлиши мумкин

АҚШнинг Яқин Шарқдаги ҳарбий базаларига етказилган зарарларни тиклаш уруш харажатларини миллиардлаб долларга ошириши мумкин. Бу ҳақда CNN билан суҳбатлашган бир нечта манбалар маълум қилди.

 

Пентагон вакили Конгрессга тақдим этган дастлабки ҳисоб-китобга кўра, Эрон билан боғлиқ ҳарбий операциялар харажати 25 миллиард доллар деб баҳоланган. Бироқ манбаларга кўра, бу рақам АҚШ ҳарбий базаларига етган жиддий зарарларни тиклаш харажатларини ўз ичига олмайди ва реал сумма анча юқори бўлиши мумкин.

 

Маълумотларга кўра, урушнинг дастлабки босқичларида Эрон томонидан амалга оширилган зарбалар натижасида камида тўққизта АҚШ ҳарбий объектига зарар етган. Баҳрайн, Кувайт, Ироқ, Бирлашган Араб Амирликлари ва Қатардаги базалар шулар жумласидан.

 

Шунингдек, Яқин Шарқдаги бир қатор муҳим ҳарбий тизимлар, жумладан радар комплекслари ва техник инфратузилма ҳам ишдан чиққан. Айрим ҳолатларда THAAD ҳаво ҳужумига қарши тизимлари ва ҳарбий самолётлар ҳам зарар кўрган ёки йўқ қилинган.

 

Пентагон расмийси Жай Ҳарст Конгрессдаги чиқишида 25 миллиард долларлик харажатнинг асосий қисми ўқ-дорилар ва операцион эҳтиёжларга сарфланганини билдирган. Бироқ у хориждаги ҳарбий базаларни тиклаш бўйича якуний ҳисоб-китоб ҳали йўқлигини тан олган.

 

АҚШ Мудофаа вазирлиги раҳбарияти ҳам зарарни қоплаш харажатлари ҳозирча аниқ бюджетга киритилмаганини, чунки тиклаш режалари ҳали ишлаб чиқилаётганини маълум қилди.

 

Демократ конгрессмен Ро Ханна эълон қилинган 25 миллиард долларлик рақамни “ҳақиқатга мос эмас” деб баҳолаган. Унинг сўзларига кўра, аввалроқ Конгрессга урушнинг илк кунларидаёқ миллиардлаб долларлик харажатлар юзага келгани ҳақида маълумот берилган. Аввалроқ The Atlantic нашри ҳам Пентагон мазкур уруш борасида Доналд Трампга хато ахборот етказаётганини, Жей Ди Венс эса қурол-яроғ захирасининг камайиб бораётганидан хавотирда эканини ёзганди.

 

Пентагоннинг ички ҳисоб-китобларига кўра, урушни давом эттириш учун қўшимча юз миллиардлаб доллар маблағ талаб қилиниши мумкин. Шу билан бирга, АҚШ Мудофаа вазирлиги 2027 йил учун 1,5 триллион долларлик бюджет сўровини илгари сурган бўлиб, бу аввалги даврга нисбатан сезиларли ўсишни англатади.

 

Расмийлар таъкидлашича, айрим тиклаш харажатлари АҚШнинг иттифоқчи давлатлари томонидан ҳам қопланиши мумкин, бироқ якуний ҳисоб-китоб ҳали аниқланмаган.

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Босиб олинган Ғарбий Соҳилдаги бир нечта Фаластин қишлоғида содир бўлган ҳужумлар Исроилда ҳам сиёсий баҳсларга сабаб бўлди.

Мексикада наркокартел раҳбарини қўлга олиш операцияси: 11 киши ҳалок бўлди

Мексикада наркокартел раҳбарини қўлга олиш операцияси: 11 киши ҳалок бўлди

АҚШ Меса Флоресни қўлга олишга ёрдам берадиган маълумот учун 5 миллион доллар мукофот ваъда қилган эди.

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Автомобиль болаларга озиқ-овқат ва ичимлик тарқатиш учун тўхташга тайёрланаётган пайтда ракета билан урилгани айтилди.

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ракета қурилмаси намойиши АҚШнинг Эрон ракета дастурини йўқ қилгани ҳақидаги баёнотлари фонида амалга оширилди.

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Бу кўрсаткич 2013 йилда чиқарилган GTA V’нинг дастлабки уч кунлик 1 миллиард долларлик натижасидан қарийб тўрт баравар юқори.

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Klebsiella pneumoniae сабабли юзага келган қон инфекциялари 2019–2025 йилларда 72 фоизга ошди.

Трамп йил охиригача Украина бўйича тинчлик келишувига эришмоқчи — FT

Трамп йил охиригача Украина бўйича тинчлик келишувига эришмоқчи — FT

АҚШ демократлар Конгресс устидан назоратни қўлга киритишидан аввал Россия ва Украина ўртасида келишувга эришишга шошилмоқда.

Бир кечада 275 та Украина дрони йўқ қилинди — Россия Мудофаа вазирлиги

Бир кечада 275 та Украина дрони йўқ қилинди — Россия Мудофаа вазирлиги

Бир ҳафта давомида 6 808 та Украина дронини йўқ қилинган.