Ўзбекистон

Ўқитувчилар фарзандлари учун контрактнинг 30 фоизи қоплаб берилиши мумкин

Чегирма магистратура, сиртқи, кечки, масофавий, қўшма дастурлар ҳамда супер-контракт шаклларига татбиқ этилмайди.

Ўқитувчилар фарзандлари учун контрактнинг 30 фоизи қоплаб берилиши мумкин

Ўзбекистонда давлат олий таълим муассасаларида таҳсил олаётган педагоглар фарзандларига контракт тўловининг 30 фоизигача чегирма берилиши мумкин. Бу ҳақдаги ҳукумат қарори лойиҳаси жамоатчилик муҳокамаси учун эълон қилинди.

 

Лойиҳага кўра, 2026/27-ўқув йилидан бошлаб давлат ОТМларига ўқишга кирган ва таҳсил олаётган педагоглар фарзандлари учун йиллик тўлов-контракт суммасининг 30 фоизи қоплаб берилади.

 

Чегирма фақат бир ўқув йили учун бир маротаба қўлланади. Масалан, агар йиллик контракт суммаси 15 млн сўм бўлса, талабага 4,5 млн сўм чегирма берилади ва тўлов 10,5 млн сўмни ташкил этади.

 

Талаба ўзи таҳсил олаётган ОТМ ректори номига “Талабаларга шартнома асосида кўрсатиладиган хизматлар ҳисобини юритиш ахборот тизими” — kontrakt.edu.uz платформаси орқали ариза юборади.

 

Педагог мақоми “Электрон ҳукумат” тизими орқали автоматик текширилади. Агар нотўғри маълумот тақдим этилгани аниқланса, қайта ҳисоб-китоб амалга оширилади.

 

Қарор лойиҳасида чегирма магистратура, сиртқи, кечки, масофавий, қўшма дастурлар ҳамда супер-контракт шаклларига татбиқ этилмаслиги белгиланган.

 

Шунингдек, талабгорнинг ота-онаси педагог тоифасидан чиқарилса, кейинги ўқув йилидан бошлаб чегирма бекор қилинади.

 

Мазкур ташаббусни молиялаштириш 2026 йилда Олий таълим, фан ва инновациялар вазирлигига ажратилган бюджет маблағлари ҳисобидан амалга оширилади. 2027 йилдан бошлаб эса харажатлар давлат бюджети параметрларида алоҳида назарда тутилади.

 

Ҳужжат лойиҳасини ишлаб чиқишда Австрия, Буюк Британия, Швеция, Канада ва Франция каби давлатларнинг олий таълим тизимидаги тажрибалар ўрганилгани қайд этилган.

 

Қарор лойиҳаси муҳокамаси 29 майга қадар давом этади.

 

Аввалроқ Ўзбекистонда юқори малака тоифасига эга педагогларга ипотека кредитлари бўйича субсидия ажратиш йўлга қўйилгани, шунингдек, аттестация тўловлари 50 фоизга камайтирилгани маълум қилинган эди.

Мактабларда спорт ривожлантирилади: олимпия спорт турлари бўйича тўгараклар очилади

Мактабларда спорт ривожлантирилади: олимпия спорт турлари бўйича тўгараклар очилади

2027 йилдан спорт мусобақалари ғолибларига диплом ва сертификатлар электрон шаклда берилади.

Ўзбекистон ва Ўмон етакчилари олий давлат мукофотлари билан тақдирланди

Ўзбекистон ва Ўмон етакчилари олий давлат мукофотлари билан тақдирланди

Шавкат Мирзиёев Султонликнинг олий давлат мукофоти – “Ол Саид” ордени билан тақдирланди.

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Президент Шавкат Мирзиёев ва Султон Ҳайсам бин Ториқ Ол Саид учрашув ўтказди

Ўзбекистон ва Ўмон ўртасидаги муносабатлар кейинги йилларда фаол ривожланаётгани қайд этилди.

Чилонзорда Nexia-3 дарахтга урилди: уч киши ҳалок бўлди

Чилонзорда Nexia-3 дарахтга урилди: уч киши ҳалок бўлди

ЙТҲга автомобиль руль бошқарувида юзага келган техник носозлик сабаб бўлган.

Президент Шавкат Мирзиёев давлат ташрифи билан Ўмонга борди

Президент Шавкат Мирзиёев давлат ташрифи билан Ўмонга борди

Президентни Ўмон Султони Ҳайсам бин Ториқ Ол Саид ва султонликнинг юқори даражали расмийлари кутиб олди.

Реновация эвазига 1 та уй ўрнига 2 та хонадон: Тошкентда янги имконият

Реновация эвазига 1 та уй ўрнига 2 та хонадон: Тошкентда янги имконият

Уй-жой масаласини ҳал этишнинг яна бир варианти сифатида мулкдорларга Янги Тошкент ҳудудидан хонадон ажратиш таклиф этилиши мумкин.

Бухорода ўқувчилар мажбурий меҳнатга жалб қилин-дими? Мактаб бошқармаси изоҳ берди

Бухорода ўқувчилар мажбурий меҳнатга жалб қилин-дими? Мактаб бошқармаси изоҳ берди

Мактабнинг том қисми қулаган, бошқа хоналарида ҳам конструктив нуқсонлар аниқланган бўлиб, бино фойдаланишга яроқсиз деб топилган.

22 даража илиқ бўлади: ҳафта давомида об-ҳаво қандай ўзгаради?

22 даража илиқ бўлади: ҳафта давомида об-ҳаво қандай ўзгаради?

Тошкент шаҳрида ҳафта давомида ёғингарчилик кутилмайди.