Трамп Эрон устидан “тўлиқ ҳарбий ғалаба”га эришганини маълум қилди
АҚШ президенти Эроннинг денгиз флоти, ҳаво кучлари ва мудофаа тизимлари йўқ қилинганини таъкидлади.
Дональд Трамп АҚШнинг Эрон устидан “тўлиқ ҳарбий ғалаба”га эришганини маълум қилди дейди TASS.
Америка етакчисининг таъкидлашича, АҚШ ҳарбий амалиётлар давомида Эроннинг асосий ҳарбий салоҳиятига жиддий зарба берган.
Трамп журналистлар билан мулоқот чоғида Эроннинг денгиз флоти, ҳаво кучлари, ҳаво мудофааси ва кузатув тизимлари деярли тўлиқ йўқ қилинганини маълум қилган. Шунингдек, у операциялар давомида Эрон ҳарбий раҳбариятига ҳам зарба берилганини таъкидлаган.
АҚШ президенти айрим Америка оммавий ахборот воситаларини ҳам кескин танқид қилган. Хусусан, у CNN ва The New York Times журналистларини можаро ҳақидаги хабарларни “нотўғри талқин қилиш”да айблаган. Трампнинг фикрича, Теҳроннинг “ҳарбий жиҳатдан муваффақиятли ҳаракат қилаётгани” ҳақидаги хабарлар АҚШнинг позициясига зид.
