Ўзбекистон

Сергели автомобиль бозорида “ақлли камералар” назорат тизими жорий этилмоқда

Тизим орқали бозорга кирувчи транспорт воситалари ҳисоби юритилиб, давлат рақам белгилари аниқланади ҳамда автомобилларнинг савдо майдонларига жойлашуви назорат қилинади.

Сергели автомобиль бозорида “ақлли камералар” назорат тизими жорий этилмоқда

Тошкентдаги Сергели автобозорида савдо жараёнларини тартибга солиш, рақамлаштириш ҳамда хизмат кўрсатиш сифатини оширишга қаратилган ишлар амалга оширилмоқда, дея хабар бермоқда Божхона қўмитаси.

 

Маълум қилинишича, бозор ҳудудида замонавий “Ситуацион марказ” ташкил этилган. Ушбу марказ орқали ҳудудга кириб-чиқаётган автотранспорт воситалари ҳаракати, савдо жараёнлари, автотураргоҳлар бандлиги ва хавфсизлик ҳолатини онлайн мониторинг қилиш имконияти яратилади.

 

Шунингдек, “ақлли камералар”ни ўрнатиш ва кабель тармоқларини тортиш ишлари босқичма-босқич давом эттирилмоқда. Тизим орқали бозорга кирувчи транспорт воситалари ҳисоби юритилиши, давлат рақам белгилари аниқланиши ҳамда автомобилларнинг савдо майдонларига жойлашуви назорат қилиниши режалаштирилган.

 

Бозор ҳудуди бошқарув ва рақамлаштириш тизимини йўлга қўйиш мақсадида 9 та функционал блокка ажратилган. Айрим ҳудудлар автомобиль савдоси, вақтинчалик ва доимий автотураргоҳ сифатида қайта ташкил этилган. Маъмурий бинолар ҳамда эҳтиёт қисмлар савдоси учун ҳам алоҳида майдонлар белгиланган.

 

Бундан ташқари, инфратузилмани тартибга келтириш доирасида омборхона ва автосервисларни қайта ташкил этиш режалаштирилган. Ҳудуддаги тартибсиз жойлашган контейнерлар хатловдан ўтказилиб, 100 дан ортиғи қайта жойлаштирилган.

 

Бозорга кириш учун қўшимча ёндош йўл лойиҳаси ишлаб чиқилгани, ҳудудда асфалтлаш ишлари олиб борилаётгани ва автомобиллар учун янги жойлар ташкил этилаётгани айтилмоқда.

 

Шу билан бирга, бозор ҳудудидаги савдо дўконлари, хизмат кўрсатиш шохобчалари ва бошқа иншоотлар солиқ ҳамда кадастр мутахассислари иштирокида қайта хатловдан ўтказилмоқда.

 

Фуқаролар учун қулайлик яратиш мақсадида автомобилларни олдиндан жойлаштириш имконини берувчи “Click Avto” мобил иловаси ҳам ишлаб чиқилгани маълум қилинди.

Янгиланган ўзбек алифбоси: паспорт ва ID-карталар алмаштириладими?

Янгиланган ўзбек алифбоси: паспорт ва ID-карталар алмаштириладими?

“Ўзбек алифбосига киритилган ўзгартиришларни жамият ҳаётининг барча соҳаларига жорий этиш чора-тадбирлари тўғрисида”ги қарор лойиҳаси жамоатчилик муҳокамасига қўйилди.

Давлат ташкилотининг собиқ ходими қидирувда эди: у Туркияда ушланди

Давлат ташкилотининг собиқ ходими қидирувда эди: у Туркияда ушланди

У Жиноят кодексининг 167 ва 228-моддалари билан қидирувга берилган бўлиб, Ўзбекистонга қайтарилган.

Қаршидаги хонадонда газ портлади: жароҳатланганлар бор

Қаршидаги хонадонда газ портлади: жароҳатланганлар бор

Ҳозирда ҳодисанинг келиб чиқиш сабаблари ва ҳолатларини аниқлаш юзасидан суриштирув ишлари олиб борилмоқда.

Ўзбекистонда 23,5 мингта хорижий корхона фаолият юритмоқда: энг кўпи савдо соҳасида

Ўзбекистонда 23,5 мингта хорижий корхона фаолият юритмоқда: энг кўпи савдо соҳасида

Саноат, ахборот ва алоқа ҳамда қурилиш йўналишлари ҳам хорижий корхоналар фаолиятида етакчи соҳалар қаторида.

Электр энергияси тўлови: газсиз ҳудудлар учун ойлик базавий меъёр оширилди

Электр энергияси тўлови: газсиз ҳудудлар учун ойлик базавий меъёр оширилди

Янги меъёрдан фойдаланиш учун фуқаролардан ариза ёки қўшимча ҳужжатлар талаб этилмайди.

ОТМлар миллий рейтинги: давлат олийгоҳларини рағбатлантириш тартиби белгиланди

ОТМлар миллий рейтинги: давлат олийгоҳларини рағбатлантириш тартиби белгиланди

Рейтинг натижалари эълон қилинганидан кейин 15 иш куни ичида рағбатлантириш маблағлари давлат олий таълим ташкилотига ўтказилади.

3,2 млрд сўм қиморга тикилди: банк ходими мижозлар маблағини ўзлаштирган

3,2 млрд сўм қиморга тикилди: банк ходими мижозлар маблағини ўзлаштирган

Андижонда онлайн қимор билан боғлиқ бир нечта фирибгарлик ҳолатлари фош этилди.

Зиёратга юбориш ваъдаси: “Умра” зиёратини ноқонуний ташкил этишга уринганлар аниқланди

Зиёратга юбориш ваъдаси: “Умра” зиёратини ноқонуний ташкил этишга уринганлар аниқланди

Уч ҳудудда фуқароларни ноқонуний зиёратга юбориш эвазига пул олган шахслар ушланди.