Ўзгидромет кучли шамол ва чанғ тўзони бўлиши мумкинлигидан огоҳлантирди
Айрим ҳудудларда шамол тезлиги сониясига 22 метргача етиши мумкин.
Ўзгидромет маълумотига кўра, бугун кундуз куни республиканинг айрим ҳудудларида шамол тезлиги 13–18 м/с гача кучайиши кутилмоқда.
Хусусан, Тошкент шаҳри, шунингдек Бухоро, Навоий, Самарқанд, Жиззах, Сирдарё, Қашқадарё ҳамда Сурхондарё вилояти ҳудудларида қисқа муддатли ёмғир ёғиши мумкин.
Шунингдек, Қорақалпоғистон Республикаси, Бухоро, Навоий ва Сурхондарё вил;оуятларининг айрим ҳудудларида шамол тезлиги баъзан 20–22 м/с гача кучайиши, чанг-тўзон ҳодисалари билан кузатилиши эҳтимоли мавжуд.
Пойтахтда эса шамол тезлиги 10–12 м/с гача кучайиши, айрим жойларда чанг-тўзон кузатилиши прогноз қилинмоқда.
