Жаҳон

Эрон Минаб мактаби қурбонлари хотирасига бағишлаб янги банкнота чиқарди

1 миллион риал қийматидаги янги банкнотада айнан ушбу мактаб тасвири акс эттирилган.

Эрон Минаб мактаби қурбонлари хотирасига бағишлаб янги банкнота чиқарди

Эрон Марказий банки Минаб шаҳридаги Шажареҳ Тайебеҳ бошланғич мактаби тасвирланган янги банкнотани муомалага киритди. Бу ҳақда The New Region хабар берди.

 

Расмий маълумотларга кўра, мазкур мактабга февраль ойида юз берган ҳарбий амалиёт чоғида берилган зарба оқибатида камида 175 киши, жумладан кўплаб болалар ҳалок бўлган.

 

Воқеа АҚШ–Исроил уруши бошланган 28 февраль куни юз берган бўлиб, АҚШ томонидан амалга оширилган зарба аслида Ислом инқилоби қўриқчилари корпусига тегишли ҳарбий объектни нишонга олган, бироқ у адашиб яқин атрофдаги мактабга тушгани айтилмоқда.

 

Ҳужум оқибатида ҳалок бўлганларнинг аксарияти 7–12 ёшдаги болалар экани билдирилган.

 

Эрон давлат телевидениеси IRIB маълумотига кўра, 1 миллион риал қийматидаги янги банкнотада айнан ушбу мактаб тасвири акс эттирилган. Амалдаги иқтисодий вазият ва кескин инфляция фонида мазкур сумма 1 АҚШ долларидан ҳам кам қийматга тенг экани қайд этилган.

 

Мамлакат расмийлари йиллар давомида давом этаётган санкциялар Эрон иқтисодиётига жиддий таъсир кўрсатганини, миллий валюта — риал эса сезиларли даражада қадрсизланганини таъкидламоқда.

 

Теҳрон АҚШнинг зарбасини кескин қоралаб, уни инсон ҳуқуқларининг жиддий бузилиши сифатида баҳолаган ва ҳодиса атайлаб амалга оширилган деб ҳисоблашини билдирган.

 

Human Rights Watch ташкилоти эса Минабдаги воқеани ҳарбий жиноят сифатида текширишга чақириб, мактабнинг ҳарбий объектга яқин жойлашуви уни ҳужум учун қонуний нишонга айлантирмаслигини таъкидлаган.

 

Эрон ташқи ишлар вазири Аббос Арoқчи БМТ Инсон ҳуқуқлари кенгашида қилган чиқишида ҳам бу ҳужум “тасодифий хато эмас, балки атайлаб амалга оширилган ҳаракат” эканини иддао қилиб, АҚШни жавобгарликка тортиш зарурлигини айтган.

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Босиб олинган Ғарбий Соҳилдаги бир нечта Фаластин қишлоғида содир бўлган ҳужумлар Исроилда ҳам сиёсий баҳсларга сабаб бўлди.

Мексикада наркокартел раҳбарини қўлга олиш операцияси: 11 киши ҳалок бўлди

Мексикада наркокартел раҳбарини қўлга олиш операцияси: 11 киши ҳалок бўлди

АҚШ Меса Флоресни қўлга олишга ёрдам берадиган маълумот учун 5 миллион доллар мукофот ваъда қилган эди.

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Автомобиль болаларга озиқ-овқат ва ичимлик тарқатиш учун тўхташга тайёрланаётган пайтда ракета билан урилгани айтилди.

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ракета қурилмаси намойиши АҚШнинг Эрон ракета дастурини йўқ қилгани ҳақидаги баёнотлари фонида амалга оширилди.

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Бу кўрсаткич 2013 йилда чиқарилган GTA V’нинг дастлабки уч кунлик 1 миллиард долларлик натижасидан қарийб тўрт баравар юқори.

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Klebsiella pneumoniae сабабли юзага келган қон инфекциялари 2019–2025 йилларда 72 фоизга ошди.

Трамп йил охиригача Украина бўйича тинчлик келишувига эришмоқчи — FT

Трамп йил охиригача Украина бўйича тинчлик келишувига эришмоқчи — FT

АҚШ демократлар Конгресс устидан назоратни қўлга киритишидан аввал Россия ва Украина ўртасида келишувга эришишга шошилмоқда.

Бир кечада 275 та Украина дрони йўқ қилинди — Россия Мудофаа вазирлиги

Бир кечада 275 та Украина дрони йўқ қилинди — Россия Мудофаа вазирлиги

Бир ҳафта давомида 6 808 та Украина дронини йўқ қилинган.