Фарғонада 7-синф ўқувчиси отасининг машинасида ЙТҲ содир этди
Бола автомобилни уйда қаровсиз қолдирилган ҳолатда рухсатcиз олиб чиққан.
Фарғона вилоятининг Бувайда туманида 7-синф ўқувчиси томонидан автомобил бошқарилиб, йўл-транспорт ҳодисаси содир этилди.
Йўл ҳаракати хавфсизлиги хизмати маълумотларга кўра, 2026 йил 23 май куни соат 15:00 ларда “Теплик” маҳалла фуқаролар йиғини ҳудудида вояга етмаган, 7-синф ўқувчиси отасига тегишли бўлган “Kia Sorento” русумли автомобилни уйда қаровсиз қолдирилган ҳолатда рухсатcиз олиб чиққан.
Ўқувчи маҳалла ҳудудида транспорт воситасини тезликда бошқариш чоғида бошқарувни йўқотиб, йўл-транспорт ҳодисасига сабаб бўлган. Ҳодиса оқибатида ҳеч ким тан жароҳати олмаган, фақат автомобилга техник шикаст етган.
Ҳозирда мазкур ҳолат юзасидан Бувайда тумани Ички ишлар бўлими Йўл ҳаракати хавфсизлиги хизмати ходимлари томонидан ўрганиш ишлари олиб борилмоқда.
