Ўзбекистоннинг бир қатор вилоятларида сув тошқинлари хавфи эълон қилинди

 

Ўзгидромет маълумотига кўра, 16–19 июн кунлари республика бўйича кутилаётган ёғингарчиликлар сабаб тоғ олди ва тоғли ҳудудларда сел ҳамда сув тошқинлари юзага келиши эҳтимоли бор.

 

Хусусан, 

🔷Қашқадарё вилояти: Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;

🔷Сурхондарё вилояти: Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробот туманларида;

🔷Самарқанд вилояти: Ургут, Самарқанд, Булунғур, Нуробод, Қўшработ, Каттақўрғон, Паяриқ, Жомбой, Иштихон туманларида;

🔷Навоий вилояти: Хатирчи, Навбаҳор, Нурота, Конимех, Кармана туманларида;

🔷Жиззах вилояти: Зомин, Бахмал, Ғаллаорол, Шароф Рашидов, Фориш, Янгиобод туманларида;

🔷Тошкент вилояти: Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;

🔷Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;

🔷Фарғона вилояти: Сўх, Шоҳимардон, Фарғона, Бешариқ туманларида;
 
🔷Андижон вилояти: Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонабод шаҳрида сел-сув тошқин ҳодисалари юзага келиши мумкин.

 

Шунингдек, айрим ҳудудларда ёмғир сувлари тўпланиши оқибатида вақтинчалик сув босиш ҳолатлари юзага келиши эҳтимоли борлиги билдирилди.

 

Мутасадди идоралар тоғли ҳудудларда яшовчи аҳоли, дам олувчилар ҳамда автомобил ҳайдовчиларини эҳтиёткорлик чораларини кўришга, дарё ва сойлар яқинида ҳаракатланишда огоҳ бўлишга чақирди.