Ўзбекистон Президенти БАА энергетика ва инфратузилма вазирини қабул қилди
Тошкент инвестиция форуми доирасида янги қўшма келишувлар имзоланиши кутилмоқда.
Президент Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.
Учрашув аввалида вазир давлат раҳбарига БАА Президенти Шайх Муҳаммад Ол Нахайон, Бош вазири, Дубай амири Шайх Муҳаммад Ол Мактум, Вице-президенти Шайх Мансур Ол Нахайон ҳамда Абу-Даби Амирлиги валиаҳди Шайх Холид Ол Нахайоннинг самимий саломи ва эзгу тилакларини етказди.
Мулоқот чоғида Ўзбекистон ва Бирлашган Араб Амирликлари ўртасидаги стратегик шериклик муносабатлари жадал ривожланиб бораётгани алоҳида таъкидланди.
Томонлар ўзаро савдо ва инвестициялар ҳажми ортиб бораётгани, шунингдек, қўшма корхоналар сони кенгайаётганини мамнуният билан қайд этдилар. V Тошкент халқаро инвестиция форуми доирасида БАА компаниялари иштирокида янги йирик келишувлар имзоланиши кутилayotgani қайд этилди.
Шунингдек, “яшил” энергетика, ёқилғи ишлаб чиқариш, транспорт ва логистика, сунъий интеллект, рақамлаштириш ҳамда бошқа истиқболли йўналишларда йирик инвестиция лойиҳаларини жадаллаштириш бўйича келишувга эришилди.
