Бахтиёр Исломов Олий суд раиси лавозимидан озод этилaди
Президент томонидан Бахтиёр Исломовни Олий суд раиси лавозимидан озод этиш тўғрисида Сенатга тақдимнома киритилди.
Президент Шавкат Мирзиёев томонидан Бахтиёр Исломовни Олий суд раиси лавозимидан озод этиш тўғрисидаги тақдимнома Олий Мажлис Сенатига киритилди.
Бахтиёр Исломов 2022 йил август ойида Олий Мажлис Сенатининг ялпи мажлисида Олий суд раиси этиб сайланган эди.
У мазкур лавозимига қадар Фарғона ва Тошкент вилоятларида судья сифатида фаолият юритган, шунингдек, 2020 йил ноябригача жиноят ишлари бўйича Тошкент шаҳар суди раиси лавозимида ишлаган.
Кейинчалик у президентнинг фуқаролар ҳуқуқларини ҳимоя қилиш ва мурожаатлар билан ишлаш масалалари бўйича маслаҳатчисининг биринчи ўринбосари этиб тайинланган. Орадан бир йил ўтиб эса президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимини эгаллаган.
Бахтиёр Исломов Олий суд раиси лавозимида Козимжон Комиловдан кейин иш бошлаган эди. Козимжон Комилов соғлиғи билан боғлиқ сабабларга кўра лавозимидан озод этишни сўраб мурожаат қилган.
