Саида Мирзиёева Хорижий инвесторлар кенгаши йиғилишида иштирок этди
Саида Мирзиёева иқтисодиёт, инфратузилма, инновациялар, таълим ва бизнес соҳаларига йўналтирилаётган инвестициялар Ўзбекистоннинг барқарор ривожланиши учун муҳим омил эканини таъкидлади.
Саида Мирзиёева Президент Шавкат Мирзиёев раислигида ўтган Хорижий инвесторлар кенгаши йиғилишида иштирок этганини маълум қилди.
Президент администрацияси раҳбарининг таъкидлашича, йиғилишда иқтисодиёт, инфратузилма, инновациялар, таълим ҳамда бизнес учун қулай муҳит яратиш каби мамлакат тараққиёти учун муҳим йўналишлар муҳокама қилинган.
Саида Мирзиёевага кўра, айнан ушбу соҳаларга йўналтирилаётган инвестициялар, малакали кадрлар ва шаффоф қоидалар Ўзбекистоннинг барқарор ривожланиши, иқтисодий ўсиши ҳамда аҳоли фаровонлигини таъминлашда муҳим омил ҳисобланади.
Шунингдек, у ҳамкорларга самарали фаолияти ва аниқ амалий натижаларга эришишга қаратилган саъй-ҳаракатлари учун миннатдорлик билдирди.
