Хавфсизлик камари тақмасликка рухсат берувчи тиббий маълумотнома онлайн берила бошланди
Хизматдан фойдаланиш учун фуқаро аввал тиббиёт муассасасида шифокорлар кўригидан ўтган бўлиши лозим.
Хавфсизлик камари тақишга тўсқинлик қилувчи касалликларга эга фуқаролар учун тиббий маълумотномани эндиликда онлайн олиш мумкин.
Маълум қилинишича, хизмат орқали фуқаролар поликлиникага қайта мурожаат қилмасдан, навбат кутмасдан ва қоғоз ҳужжатларсиз маълумотномани электрон шаклда юклаб олишлари мумкин.
Мазкур хизмат автотранспорт бошқарувида хавфсизлик камарини тақишга тўсқинлик қилувчи касаллик ташхиси қўйилган фуқаролар учун мўлжалланган.
Маълумотномани олиш учун фойдаланувчи мй.гов.уз портали ёки унинг мобил иловасига кириб, “Маълумотномалар” бўлимидаги тегишли хизматни танлаши ва ҳужжатни юклаб олиши керак.
Хизматдан фойдаланиш учун фуқаро аввал тиббиёт муассасасида шифокорлар кўригидан ўтган бўлиши лозим. Тиббий хулоса электрон базага киритилгач, маълумотнома порталда автоматик равишда шаклланади.
Маълумотноманинг амал қилиш муддати тиббий хулосада кўрсатилган давр билан белгиланади. Хизмат бепул тақдим этилади ва уни олиш учун қўшимча ҳужжатлар талаб этилмайди.
Эслатиб ўтамиз, хавфсизлик камарини тақмасликка рухсат бериладиган касалликлар рўйхати тасдиқланганди. Рўйхатга жароҳатлар, оғир юрак-ўпка касалликлари ва жисмоний ҳолатлар киритилган.
