Ўзбекистон делегацияси Эронда Али Хоманаий билан видолашув маросимида қатнашади
Ўзбекистон Олий Мажлиси Қонунчилик палатаси Спикери Нуриддин Исмоилов бошчилигидаги делегация 3 июль куни Эронга бориб, марҳум олий раҳбар Оятуллоҳ Али Хоманаий билан видолашув маросимида иштирок этади.
Ўзбекистон делегацияси марҳум олий раҳбар Оятуллоҳ Али Хоманаий билан видолашув маросимида иштирок этиш учун 3 июль куни Эронга боради. Бу ҳақда “Дунё” ахборот агентлиги Эроннинг Таsnim агентлигига таяниб хабар берди.
Ўзбекистон Ташқи ишлар вазирлигидаги манбага кўра, делегацияга Ўзбекистон Олий Мажлиси Қонунчилик палатаси Спикери Нуриддин Исмоилов бошчилик қилади.
Эрон расмийлари маълум қилишича, Али Хоманаий билан видолашув маросимлари 4–9 июль кунлари ўтказилади. Тадбирларда 30 дан ортиқ давлат делегациялари ҳамда 90 дан зиёд мамлакатнинг диний пешволари қатнашиши кутилмоқда.
Видолашув маросимлари 4 июль куни Теҳрондаги Мосалла мажмуасида бошланади. 5 июль куни жаноза намози ўқилиб, пойтахтда оммавий мотам юриши ташкил этилади. Кейинги тадбирлар Қум ва Машҳад шаҳарларида, шунингдек, Ироқнинг Нажаф ва Карбало шаҳарларида давом этади. Дафн маросимининг якуний босқичи 9 июль куни Машҳадда ўтказилиши режалаштирилган.
Эрон расмийлари мотам тадбирларида миллионлаб одамлар иштирок этишини кутмоқда. Шу муносабат билан Эрон ва Ироқда маросимларни мувофиқлаштириш учун махсус штаблар ташкил этилган.
