Шавкат Мирзиёев Грузия қаҳрамонларини хотирлади
Ўзбекистон Президенти Қаҳрамонлар майдонига ташриф буюриб, ёдгорлик пойига гулчамбар қўйди.
Ўзбекистон Президенти Шавкат Мирзиёев Грузияга амалга ошираётган давлат ташрифи доирасида 3 июль куни Тбилиси шаҳридаги Қаҳрамонлар майдонига ташриф буюрди.
Давлат раҳбати шарафига фахрий қоровул саф тортди. Ташриф давомида Президент Шавкат Мирзиёев Грузия бирлиги ва ҳудудий яхлитлиги йўлида ҳалок бўлган қаҳрамонлар хотирасига бағишланган ёдгорлик пойига гулчамбар қўйди.
Маросим чоғида ҳарбий оркестр ижросида Ўзбекистон ва Грузия давлат мадҳиялари янгради.
Мазкур эҳтиром маросими икки давлат ўртасидаги дўстлик, ўзаро ҳурмат ва стратегик шериклик муносабатларининг яна бир ёрқин ифодаси бўлди.
