Шавкат Мирзиёевнинг Грузияга давлат ташрифи якунланди
Олий мартабали меҳмонни Грузия Бош вазири Ираклий Кобахидзе кузатиб қўйди.
Президент Шавкат Мирзиёевнинг Грузияга амалга оширган давлат ташрифи якунланди.
Ташриф давомида давлат раҳбари Грузия Президенти Михаил Кавелашвили ҳамда Бош вазири Ираклий Кобахидзе билан музокаралар ўтказди. Унда икки мамлакат ўртасидаги сиёсий мулоқотни мустаҳкамлаш, савдо-иқтисодий, инвестициявий, транспорт-транзит, туризм, маданий-гуманитар ва бошқа устувор йўналишлардаги ҳамкорликни кенгайтириш масалалари муҳокама қилинди.
Музокаралар якунида Стратегик шериклик муносабатларини ўрнатиш тўғрисидаги декларация имзоланди. Бундан ташқари, устувор йўналишлардаги ҳамкорликни янада ривожлантиришга қаратилган икки томонлама ҳужжатларнинг салмоқли тўплами алмашилди.
Давлат ташрифи доирасида Президент Шавкат Мирзиёевга Грузиянинг олий давлат мукофоти — "Олтин мўйна" ордени тантанали равишда топширилди.
Шунингдек, давлат раҳбари Тбилиси шаҳрида ўзбек халқининг буюк мутафаккири Алишер Навоий ҳайкалининг очилиш маросимида иштирок этди.
Давлат ташрифи якунлангач, Ўзбекистон Президенти Тошкент шаҳрига жўнаб кетди.
