Абитуриентлар учун кириш тест синовлари саналари эълон қилинди
ОТМга кириш тестлари 10 кун давомида икки сменада ўтказилади.
2026–2027 ўқув йили учун давлат олий ва касбий таълим муассасаларига кириш тест синовлари 14 июлдан 23 июлгача бўлиб ўтади.
Тест синовлари ҳар куни икки сменада ташкил этилади. Биринчи смена соат 08:00, иккинчи смена эса 15:00 да бошланади. Абитуриентлар имтиҳон бошланишидан камида 1,5 соат олдин белгиланган ҳудудга етиб келиши лозим.
Тест синовларида иштирок этиш учун “Абитуриент рухсатномаси” my.uzbmb.uz портали орқали тақдим этилмоқда. Абитуриентлар рухсатномани юклаб олиб, чоп этишлари тавсия этилади.
Тест синовлари фақат рухсатномада кўрсатилган ҳудуд, сана ва сменада ўтказилади. Бошқа жой, кун ёки сменада имтиҳонда иштирок этишга рухсат берилмайди.
Абитуриентлар тест синовига паспорт ёки ИД-карта ҳамда чоп этилган рухсатнома билан ўз вақтида келиши шарт. Паспорт нусхаси ёки бошқа ҳужжатлар билан келган, шунингдек, кечиккан абитуриентлар тест синовларига киритилмайди.
