Сергелида янги кўприк фойдаланишга топширилди
Ушбу кўприк масаласи Президент Шавкат Мирзиёев раислигидаги видеоселектор йиғилишида танқид қилинганди.
Тошкент шаҳрининг Сергели туманида “Жунариқ” ва “Юқори Дархон” маҳаллаларини боғловчи янги кўприк фойдаланишга топширилди. Бу ҳақда пойтахт ҳокимлиги хабар берди.
Аввал мазкур ҳудуд аҳолиси, жумладан, мактаб ўқувчилари канални кесиб ўтишда қувурлардан фойдаланиб келган. Бу эса улар учун хавф туғдирган.
Ушбу масала 2026 йил март ойида Президент Шавкат Мирзиёев раислигида ўтказилган видеоселектор йиғилишида танқид қилинганди.
Президент "Жунариқ" каналидаги кўприк масаласи бўйича мурожаат икки ой давомида ҳал этилмагани ва масъуллар унга юзаки жавоб берганини, муаммо ижтимоий тармоқларда тарқалгач ҳал этилганини қайд этганди.
Узунлиги 28 метр, кенглиги 8 метр бўлган янги кўприк 80 тоннагача юкни кўтара олади. Иншоот орқали каналнинг икки томонида жойлашган маҳаллалар ва таълим муассасалари ўртасида хавфсиз қатнов таъминланади.
