Нарендра Моди 29–30 август кунлари Ўзбекистонда бўлади
Ташриф Шавкат Мирзиёевнинг таклифига биноан амалга оширилмоқда.
Президент Шавкат Мирзиёевнинг таклифига биноан Ҳиндистон Бош вазири Нарендра Моди 29–30 август кунлари давлат ташрифи билан Ўзбекистонда бўлади.
Ташриф доирасида Ўзбекистон–Ҳиндистон стратегик шериклик муносабатларини янада ривожлантириш ва кўп қиррали ҳамкорликни кенгайтириш масалалари муҳокама қилинади.
Музокараларда сиёсий мулоқот ва маданий-гуманитар алоқаларни ривожлантириш, шунингдек, савдо, энергетика, кимё, геология, соғлиқни сақлаш, фармацевтика, қишлоқ хўжалиги, машинасозлик ва бошқа соҳаларда янги қўшма лойиҳаларни илгари суришга алоҳида эътибор қаратилади.
Шунингдек, халқаро ва минтақавий кун тартибидаги долзарб масалалар, кўп томонлама тузилмалар доирасидаги ҳамкорлик юзасидан фикр алмашилади.
Ташриф якунида икки томонлама ҳамкорликнинг турли йўналишларига оид қатор ҳужжатларни имзолаш кўзда тутилган.
