Ўзбекистон Марказий Осиёдаги энг тинч мамлакат деб топилди
Global Peace Index 2026 рейтингида Ўзбекистон 163 давлат орасида 37-ўринни эгаллади.
Иқтисодиёт ва Тинчлик институти (Institute for Economics & Peace — IEP) томонидан эълон қилинган Global Peace Index 2026 рейтингида Ўзбекистон 163 давлат орасида 37-ўринни эгаллади.
Мамлакатнинг умумий кўрсаткичи 1,726 баллни ташкил этган.
Ўзбекистон ўтган йилги натижага нисбатан рейтингда сезиларли юқорилаган. 2025 йилда мамлакат 67-ўринда қайд этилган бўлса, 2026 йилда 37-ўриндан жой олди.
Ўзбекистон Марказий Осиё давлатлари орасида ҳам энг юқори натижани қайд этди. Хусусан, Қозоғистон 44-ўрин, Тожикистон 47-ўрин, Қирғизистон 61-ўрин ва Туркманистон 66-ўринни эгаллаган.
Шу тариқа, Ўзбекистон минтақа давлатлари орасида тинчлик ва барқарорлик кўрсаткичлари бўйича биринчи ўринни қайд этди.
