Ўзбекистон – Корея бизнес форуми: янги инвестициявий лойиҳалар ишга туширилмоқда
Тошкентда Кимё технологиялари маркази ишга туширилди, Жиззах, Фарғона ва Наманганда янги ишлаб чиқариш қувватлари ташкил этилди.
Сеул шаҳрида ўтказилган бизнес форум доирасида Шавкат Мирзиёев ва Корея Республикаси Бош вазири Хан Сон Сук иштирокида икки мамлакат компаниялари ҳамда молия институтлари билан ҳамкорликдаги лойиҳаларни ишга тушириш ва қурилишини бошлаш маросими бўлиб ўтди.
Ҳамкорлик доирасида Ўзбекистонда бир қатор янги ишлаб чиқариш қувватлари ва замонавий инфратузилма объектларини ташкил этиш кўзда тутилган.
Хусусан, Тошкент шаҳрида Кимё технологиялари маркази фаолият бошлади. Жиззах вилоятида “Kia Sonet Prime” автомобиллари ва автомобиль кузови панелларини, Фарғона вилоятида электротехника маҳсулотларини, Наманган вилоятида эса полимер буюмларни ишлаб чиқариш йўлга қўйилди.
Шунингдек, Тошкент шаҳрида Миллий онкология маркази, тиббиёт олий таълим муассасаси, роботлар ва уларнинг бутловчи қисмларини ишлаб чиқарувчи корхоналар қурилиши бошланди.
